O xoves 14 de maio e co alumnado de 1º do Ciclo de Laboratorio, a libreira Lola Puerta, da Librería Aenea de Santiago, fixo un taller literario no noso centro. Trouxo unha morea de libros e os alumnos e alumnas debían de elixir un ou varios e xustificar o porqué escolleran eses.
Había un amplo abano de temáticas: natureza, saúde, narrativa, ficción…e foi moi entretido e sorprendente, xa que o alumnado veu como inflúe o seu momento anímico e as súas inquedanzas na escolla do libro.
